Maskenball em Karneval
Schnüssjardinche üvverall.
Och wat es dat widder nett,
en uns´rer Weetschaff op d´r Eck.
Mer danze hück he widder keck
einsfuffzig Avstand zum nächste Jeck.

Refr.
Corona mäht uns all beklopp,
jeder hätt en Tüt vürm Kopp.
Och met Maske jit et kölsche Klaaf,
met Laberläppche dreimol Alaaf,
denn eins, dat bliev bestonn,
Fastelovend weiht niemols ungerjonn.

Refr.
Kamelle, Bützje, Strüsjer un eh lecker Kölsch vum Fass,
dohzoh die kölsche Leedcher, Fastelovend mäht ech Spaß.
Fiere dun mer Kölsche jähn, och hück an diesem Ovend.
Ob Pirat, Möhn, udder Lappeclown, zohsamme sin mer Fastelovend.

1.
Alaaf, Bützje, Cantz, Strüßjer un Kamelle,
un och Marieche danz, laache un verzelle.
Leedcher singe, schunkele en dr Weetschaff op d´r Eck,
Heimjon etz em Dunkele, dat mach doch jede Jeck.

Du bes die Frau vun ihm und ich dä Käl vun Ihr
un wat sin bitte mir, mir sin einfach mir.
Et knistert un et knallt jrad, wohl suh wie noch nie
mer sin wohl nur, en söße Harmonie.

Refr.
Mer funktioniere klasse, bei uns pass alles jot
doch leider vell zoh spät, et Levve es suh kot.
Doh stemmp joh wirklich alles, glöcklich wie noch nie,
mer zwei mer sin un blieve, en söße Harmonie.

Mer meint et kann nit sin un wör nit wohr,
et es passiert,  et wor ob einmol doh
Du häs dich nit jewehrt un ich han Dich jewullt,
jetz bliev noch die Froch, wer es dat dann jetz Schuld.

Refr.
Mer funktioniere klasse, bei uns pass alles jot
doch leider vell zoh spät, et Levve es suh kot.
Doh stemmp joh wirklich alles, glöcklich wie noch nie,
mer zwei mer sin un blieve, en söße Harmonie.

Jeder geiht  singe Wäch un doch bliev dat für immer,
als wör janix jewese, doch ich spüre Dich noch immer.
Wo jehürt mer hin? Wer jehürt an ming Sick?
Et levve dat jeiht wigger, et Levve hät dofür kein Zick.

Refr.
Mer funktioniere klasse, bei uns pass alles jot
doch leider vell zoh spät, et Levve es suh kot.
Doh stemmp joh wirklich alles, glöcklich wie noch nie,
mer zwei mer sin un blieve, en söße Harmonie.

Januar 2005 - B. Kox

Zesamme

Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.

Ejal ob Pfarrsizung udder Altersheim,
Ejal ob Elferot udder Danzverein,
Ejal ob Danzmarieche udder als Danzmajor
Ejal ob Rampensau udder Backgroundchor.
Mer fieren Karneval, hück an dissem Ovend,
denn zesamme, sin mer Fastelovend.

Zesamme jeck sin, zesamme danze, zesamme fiere,
zesamme bütze, schunkele un Spass han kann mer liere.
Zesamme losstrecke, kostümiert met Strüßger un Kamelle
zesamme Freud han un Fastelovend fiere, dat es Kölle.