De Schönste Junge
Mädcher, lot üch nix verzälle,
de schönste Junge komme uss Kölle.
Se sin ihrlich un treu, han et Hätz am rechte Fleck
glöcklich es, wer ´ne kölsche Fetz jefunge hätt.
Du bes allein, et Hätz es leer, ´ne neue Käl muss her.
De janzen Daach im Internet et söke fällt Dir schwer.
Der wor zoh kleen, dä wor zoh alt un dä jov Dir ne Korv.
Met dem doh fängste janix an, dä es uss Düsseldorf.
Ming Jittar es beklopp
Ich jläuv ming Jittar es beklopp, mer jläuv et kaum.
Seh spellt nur kölsche Leeder, et es wie em Draum.
Seh spellt die Leeder suh herrlich un suh nett,
ihr Sigge danze met minger Finger öm de Wett.
1.
Ming Gittar spellt suh jän die kölsche Leeder,
die hürt doch jeder jän, joh die kennt doch jeder.
Für hade Rock un Blues doh es seh nit zoh krieje.
Weil ihr die kölsche Leder einfach besser lieje.
Ich jläuv ming Jittar es beklopp, mer jläuv et kaum.
Seh spellt nur kölsche Leeder, et es wie em Draum.
Seh spellt die Leeder suh herrlich un suh nett,
ihr Sigge danze met minger Finger öm de Wett.
De leckerste Mädcher
De leckerste Mädcher, die fingst Du he en Kölle.
Die Kölsche Mädcher, die künne vell verzelle.
Vum Fastelovend, unserem Dom un och vum Rhing,
eh kölsch Mädcher jeiht Dir nit mieh uss dem Sinn.
(Die schönste Mädcher fings Du nit üvverall,
de schönste Mädcher setzen all he em Saal.)
1.
Es ding Hätz leer un Du bes neu am Söke,
muss Du et janit etz im Internet versöke.
Dröm hür mer zoh, ich will et Dir verzelle,
De schönste Mädcher die fings Du he en Kölle.
De leckerste Mädcher, die fingst Du he en Kölle.
Die Kölsche Mädcher, die künne vell verzelle.
Vum Fastelovend, unserem Dom un och vum Rhing,
eh kölsch Mädcher jeiht Dir nit mieh uss dem Sinn.
(Die schönste Mädcher fings Du nit üvverall,
de schönste Mädcher setzen all he em Saal.)
Mädcheovend
Die Naach für Wieverfastelovend
es für mich de schönste Mädcheovend.
Doh jeit et jedem Frauminsch besser,
dat es die Naach der langen Messer.
Mer glühe vür wohl die janze Nacht,
Av Wieverfastelovend sin mer an der Macht.
Jet Rouge, jet Färv un Leppesteff, Glitzer ob alle Fäll,
vier Stunden für dem Spejel, die Zick verjeiht suh schnell.
De Früngdinne all online, met Whats App keen Problem,
wat treck ihr dann am Morje an, Mädels lasst mal sehn.
Bunte Jeans un Pürcke un manche koote Röck,
jetz han ich ald dat zweite Fläsche Sekt allein jeköpp.
Die Naach für Wieverfastelovend
es für mich de schönste Mädcheovend.
Doh jeit et jedem Frauminsch besser,
dat es die Naach der langen Messer.
Mer glühe vür wohl die janze Nacht,
Av Wieverfastelovend sin mer an der Macht.
Jung wie ihr
Refr.
Ich wör jähn suh jung wie ihr
hätt jähn dä Schwung wie ihr.
Alt sin es Dress, evver et es wie et es.
1.
Mer mohten öm zehn Uhr Heim, doh jot ihr jrad fott,
Minge Pap kräch de Bejovung, och Du leven Jott.
Jeden Samstag Party, ejal wat et och koss,
Bei üch es wirklich immer, ech de Düvel loss.
Refr.
Ich wör jähn suh jung wie ihr
hätt jähn dä Schwung wie ihr.
Alt sin es Dress, evver et es wie et es.
Veedel
He jing ich en d´r Kinderjade un och zur Kommunion.
He wor ich I-Dötzje un Meßdiener bal schon.
Pfarrbücherei un KJG alles fand ich he.
All ming Früngde uss der Zick, treffe ich noch immer
Et Hätz voll Erinnerungen, en Wand voll Bilder em Zemmer.
Ming Hätz schläd em Veedel un dat deiht esuh jot.
Ming Hätz häng am Veedel, et kütt nit zoh kot.
Ming Famillich, ming Früngde, all blieven he
en unserem Veedel, denn dat es Okay.
He han ich de Klütte bei Frau Schmitz en d´r Keller jedon
he spellten mer Räuber un Gendarm.
He lierten ich Fahrrad fahre met mingem Pap,
de Mam däht oppasse, dat et och klapp.
Ming Hätz schläd em Veedel un dat deiht esuh jot.
Ming Hätz häng am Veedel, et kütt nit zoh kot.
Ming Famillich, ming Früngde, all blieven he
en unserem Veedel, denn dat es Okay.
He hat ich dann dohmols ming etzte Clique
un he han ich bei der Viktoria jekick.
Ming etzte Fründin, ob die wor ich he jeck wie nie,
hat he ming etzte Trennung, dät janz schön wie.
Ming Hätz schläd em Veedel un dat deiht esuh jot.
Ming Hätz häng am Veedel, et kütt nit zoh kot.
Ming Famillich, ming Früngde, all blieven he
en unserem Veedel, denn dat es Okay.
He hanm ich jehierot, en Famillich jegründ,
Trauzeuge wor he minge aller beste Früngk.
Dä kenn ich sick dohmols, dä es echt edel,
de coolste Typ en unserem Veedel.
Ming Hätz schläd em Veedel un dat deiht esuh jot.
Ming Hätz häng am Veedel, et kütt nit zoh kot.
Ming Famillich, ming Früngde, all blieven he
en unserem Veedel, denn dat es Okay.
September 2019 – B.Kox