Du wills minge Schlips han
Du wills minge Schlipps han,
nur weil ich ne Schwipps han.
Du sächs, et es Wieverfastnacht,
ich sach Mädche loss dat.
Die han ich vum C & A
jläuf et mer ich hänge dran.
Ich han keen Zick
Refr.
Ich han keen Zick, ich han keen Zick
Es dat jetz schick, ich han keen Zick.
Ich han keen Zick, ich ben zu bedure
Ich han keen Zick für op de Uhr zoh lure
1.
Achzig Telefonate han ich jeden Daach,
oftmols denke ich, mich triff bal dä Schlaach.
Doch dann mach ich wigger, denn ich han keen Zick,
bis zu mingem Fierovend, es et joh noch wick.
Wenn ich dann für Dich singe
Refr.
Un wenn ich dann für Dich singe, ja dann blöhst Du op
Pippi en d´r Aure, Glöcksjeföhle em Kopp.
Et Laache zohröck, et es widder doh,
mer schaffen dat schun, wie immer na klor.
1.
En d´r besten Beziehung jitt et och ald ens Krach,
et weiht jefluch un jebrüllt, bal de janze Naach.
De Träne die fleße, et deht richtig wieh,
verdrare dun mer uns em Levve nit mieh.
Die met dem Jras danz
Refr.
Die met dem Jras danz, die kenne ich janz jot.
Die hätt ene jröne Duhme, bei der wächs alles jot.
Se schwad met alle Blome, ungerhällt sich met dem Jras
un es üvverzeug, dat dann alles besser wachs.
1.
Eh neu Hus wot jebaut, dat hätt vell Kraff jekoss
un jetz och noch de Jade de Arbeit läd nitt loss.
Sie meinten nur, ich mache dat, dat lit mer em Blot,
met de Pflanze un de Blome, dat kann ich wirklich jot.
Du en Dinger Welt
Refr.
Du en dinger Welt, sach wie es et doh.
Ich wöt jän suvill wesse, joh dat es wirklich wor.
Öm mieh zoh erfahre, wöt ich alles jevve,
doch dat jeiht wohl nitt, mer hät joh nur ein Levve.
1.
Manchmol trev ich Lück, die mich neujierig mache,
oftmols nur ene Blick udder eh fründlich Laache.
Dann han ich dausend Frore, et lät mich nit mieh loss,
dann well ich suvill wesse, ejal wat et och koss.