Dae Nubbel
1.
De Fastelovendszick es endlich widder doh
un Du hängs an minger Stammkneip, et es wirklich wor.
Du sühs wer kütt un och wer jeiht, Du hängs joh huh jenoch
Du häs de beste Sicht op de Rusemondaachszooch.
Refr.
Nubbel leven Nubbel, doh bes Du joh,
e janz Jöhrche wors Du nit mieh doh.
Loss mich nitt suh lang vür de Wetschaff stohn,
nee, loß mer ens zohsamme eine drinke jon.
Denn wenn Du wills, dat ich ens zoh Dir hahle,
dann muß Du dies Johr ens minge Deckel zahle.
Mallorca am Rhing
1.
Mer han uns Mallorca jez he am Rhing,
doh läjen mer uns alle mole hin.
De Fott en d´r Sand,
mer han ene echte Strand.
Un der Blick vum Balkon
jetz direk op d´r Dom.
Refr.
Ei, Ei, Ei, Ei, doh sin mer dohbei,
dat es he en Kölle dä neuste Schrei.
Dat finge mer prima, Mallorca am Dom,
wieße Sand he am Rhing, wer hätt dat dann schon.
Dat es wat mer bruche öm jlöcklich zoh sin,
eh Kölsch, Kölsch-Mädcher un Mallorca am Rhing.
1.
Ich jing met minger Frau am Sunndaach jet spaziere,
mer wullten nur eh besje am Rhing entlang flaniere.
Doh sochen mer die Palme un dä weiße Sand,
mer han uns en Kölle plötzlich nitt mieh ussjekannt.
En Fatamogana daach ich en mingem Brass,
doh soch ich alll die Minsche un et jov och Kölsch vum Fass.
Refr.
Leeven Tünnes, leeven Schäl, hatt ihr et schun jesinn?
Mer han jez he en Kölle, de Ballermann am Rhing.
Liejestöhl, Sand un de janzen Daach nur Sonn
un dohzoh och noch die Aussicht op unsere schöne Dom.
1.
Unger Träne häs Du et mir dohmols jesteck,
„Ich ben schwanger un minge Typ, der es weg.“
„Wat sull ich nur met dem Kind allein maache?“
Doch schun bal däht et Dich et eztemol anlaache.
Verjesse woren schnell Surje un Ping,
jetz hatt`s Du Dinge Sunnesching.
Refr.
Ich ben stolz op Dich, dat häs Du jot jemaaht
un doch han ich et Dir noch nie jesaaht,
wat Du jeschaff häs, dat bruchs Du nitt zoh verstecke,
de Hot, däh muss mer vür Dir trecke.
1.
Ich kaufe Blome om Maat, suh süht dat och uss,
wenn Du zweimol dran schöddels, es et `ne Struß.
Ich decke de Fröhstöcksdesch, bemöhe mich sehr,
Du stells he und doh jet bei un schun hätt et Flair.
Refr.
Dat wat Du hinlächs, süht immer jot uss.
Wärme un Jemötlichkeit, bränks Du uns noh Huss.
Met Dir zoh levve määht einfach nur Freud,
ich han noch keenen Daach bereut.
Nohbors Katz
1.
Dies Daach beim Dusche sääht ming Frau, mein Jott, Du leeven Schatz
wer hätt Dir dann de Ärme un de Rögger suh verkratz?
Ich jläuv, leev Frau, de Nohborskatz die wor ens widder he.
Worob sei meint, en ihrer Wäsch looch eh janz frimp Negligee
Refr.
Bei uns em Hus, mer jläuv et nit, doh liev en frimde Katz,
die hätt mich ald he und doh un üvverall jekratz.
Doch ming Frau die hätt die Katz noch immer nitt jesinn.
Se meint ich hätt en Bomb jeköpp, dat künnt doch janitt sin.
Se meint ich hätt en Bomb jeköpp, dat künnt doch janitt sin.