Bernds kölsche Weihnacht

En unserer Weihnachtsbäckerei

Bernds kölsche Weihnacht 16. Dezember 2018

Bei de Uroma en d´r Köch

Backe, backe Plätzchen,
ich back met mingem Schätzchen
en d´r Weihnachtsbäckerei
suh manche Leckerei

Makrone un och Spritzjebäck
ich hoffe, dat et jedem schmeck.
Uss nem Holzbrett bal 100 Johr
kütt de Spekulatius Johr für Johr.

Un uns Pänz sin och dohbei
en unserer Weihnachtsbäckerei.
Ne wat han die für ´ne Spaß,
dä Kleen, dä es vum Mehl janz blass.

Zehn Dose han mer volljekräch,
wenn mer sich dat ens üvverläch,
dat rick für et janze Johr leven Jott.
Doch am 3. Advent, es de Hälfte ald fott.

Dezember 2018 – B.Kox

Chriskind, wor bes Du eijentlich em Sommer

Bernds kölsche Weihnacht 03. Dezember 2017

Christkind wo bes Du eijentlich em Sommer

Christkind, Du mähs mir sick Johre kummer,
ich froch mich, wor bes Du eijentlich em Sommer?
Johrelang dät ich et mir erhoffe
ich hät Dich ens an d´r Nordsee jetroffe.

Udder ens em Schwemmbad, medden en d´r Woch
doch keiner hät Dich je jesin, ejal wäh ich froch.
Nur hellig Ovend, doh darf Dich dann jeder sin
doch wat es dohnoh, wor jeihs Du dann hin?

Sick minger Kindheit, dät ich jeden frore,
hat ov dat Geföhl, ich wäde belore.
Wor de Himmel janz rut, wenn mer November hatte,
saht ming Oma: Et Christkind es Plätzche am backe.

Evver et hät mich nit ruhijer jemaht
ejal wat der Eine udder dä Andere saht.
Bis ming Mam mer saht: Küngk seih fruh
en jedem jode Minsch, doh wörs Du.

Vell später kunt ich ming Mam dann verston,
ez mohten noch eh paar Jöhrche verjon.
Wenn mer Dich nüdich hätt, dann bes Du immer doh.
Wor Du em Sommer bes, dat es mir jetz klor.

Dezember 2017 – B.Kox

Weihnachtszick

Bernds kölsche Weihnacht 14. Oktober 2017

Weihnachtszick

Jetz es et bal widder suh wick,
de Leechter kummen en d´r Finster zohröck.

Ob Rehe, Nicköläus, Kääze udder Stän,
mer süht die Leechter schun uss de Fän.

Üvverall weiht de Dunkelheit heller jemaaht,
als wenn mer ob en Erleuchtung waaht.

Manch einer denk et nimmp üvverhand
un hätt ald tüchtig dröver jeschant.

Doch jit et och Hoffnung un strahlt Dich an
mer weiht et wärm öm et Hätzje dann.

Jedes Leech määht Dir de Adventszick jet heller
un dat Wade ob Hellichovend, verjeiht jet schneller.

Keen Finster met ´nem Leech dren han ich je bereut
de Minsche deilen domet doch ihr Freud.

Wenn dann en dä Jädens de etzte Tannebäum funkele
es dat herrlich anzohsin em Dunkele.

Un et Schönste üvverhaup, jläuvt mer et stemmt
wenn et dann noch an zoh schneie fäng.

Jetz es et bal widder suh wick,
de Leechter kummen en d´r Finster zohröck.

Oktober 2017 – B.Kox

Dominostein

Bernds kölsche Weihnacht 13. Oktober 2017

De wertvollste aller Edelstein,
dat es für mich dä Dominostein.

Eh dreiveedel Johr kannste se nitt finge,
kanns et versöcke, et weiht nitt jelinge.

Bal schun, wie en d´r Goldgräberzick
lure em August ov hä nitt schun en d´r Geschäfte litt.

Met Aprikosengelee Lebkuchen un Marzipan,
määht die Schichtpralin mich wirklich an.

Dä Chocolatier Herbert Wendler hät se erfunge,
Jung, dat es Dir jotjelunge.

Als Notpralin eins ens erdach,
hürt hä en d´r Weihnachtszick wie de hellije Naach.

Dä Dominostein hürt ob jeden Weihnachtsteller
fehlten hä bei minger Geschwister, wor ich widder schneller.

De wertvollste aller Edelstein,
dat es für mich dä Dominostein.

Oktober 2017 – B.Kox

Zimtschnecke

Bernds kölsche Weihnacht 13. Oktober 2017

Se sin nit langsam, sit mer nit kott
se sin iher schnell un zwar schnell fott

se schmecken wirklich jedem lecker
selvs jebacke udder vum Bäcker.

Zimtschnecke sin eh Sößjebäck
wat nit nur en Skandinavien schmeck.

Doh sin se beliebt un sehr bekannt
un wäden Kanelbulle jenannt.

Dezember 2013 – B.Kox

Weckmann

Bernds kölsche Weihnacht 13. Oktober 2017

Ich ben doch nit Jeck man,
Ich kauf mir ene Weckmann
Dä dun ich janz keck dann
en ming versteck dann.

Dä löstije Stropp
zwei Risinge em Kopp
en janz wieße Pief
an singen liev.

Es et druße kalt
dann weiht dä nit alt
ich weiß et jenau
dä schmeck met Kakao.

November 2012 – B.Kox

Seite 3 von 7